Yara leggur mikla áherslu á að þróa aðföng til gæðaframleiðslu og þar með hjálpa til að tryggja bóndanum sem besta rekstrarafkomu. Gæði áburðarins hafa áhrif á magn og gæði uppskerunnar. Það er því mjög mikilvægt að varðveita gæðin alla leiðina frá verksmiðju og út á tún og akra.

Skemmdir á umbúðum áburðar hafa í för með sér ónýtan áburð, rýrnun, aukavinnu og kvartanir frá viðskiptavinum. Þetta leiðir til aukins kostnaðar, kostnaðar sem í mörgum tilfellum má komast hjá ef áburðurinn er meðhöndlaður af varúð og á réttan hátt. Stórsekki má ekki setja harkalega niður eða ýta til. Sekkir

Verið á verði gagnvart óhreinu undirlagi – plön og gólf verða að vera án hvassra brúna eða hluta. Sópið möl og ryð af plönum áður en þið setjið áburð á þau. Lítið gat getur valdið miklum skaða.

Stórsekkjum á að lyfta með heppilegum verkfærum, án skarpra brúna sem geta skemmt hankana. Óvarinn gaffallyftari er ekki hentugur. Lyftiarmurinn/-krókurinn þarf að vera sívalur og krækjast undir vafninginn á hankanum. Sé sekknum lyft utan vafningsins getur hann rifnað. Lyftiátakið á að vera jafnt og án snöggra rykkja.

Áburð verður að geyma á þurrum stað, helst inni. Sé hann geymdur úti er mikilvægt að setja hann á bretti á traustu undirlagi þar sem ekki er hætta á ágangi vatns. Staðurinn þarf að vera skjólgóður og skuggsæll. Þetta gildir sérstaklega um HYDRO-KASTM (kalkammonsaltpétur) sem ekki þolir sólarljós eða hita

Athugið alltaf vöru sem kemur í ykkar hendur. Flutningsaðilinn er alltaf ábyrgur fyrir að rétt magn af áburði komist óskemmt til skila. Setjið skemmda vöru til hliðar og gerið strax ráðstafanir til úrbóta.