Selen er ekki plöntunærandi efni en er nauðsynlegt næringarefni fyrir dýr. Selenþörfum er best mætt með því að tryggja að hæfilegan styrkleika þess í fóðri.
Selenmagn í grasi er oft of lágt
Algengt er að selenmagn í gróffóðri sé lágt og undir viðmiðunarmörkum. Í gróffóðurkeppni sem haldin var með í Bretlandi 2014 (Grass Prix) voru öll sýni undir 100 µg/kg (0,1 ppm) og var meðaltal allra sýna aðeins 40 µg/kg (0,04 ppm). Kýr fóðraðar á slíku fóðri væru ólíklegar til að viðhalda selen styrkleika í blóði yfir 0,1 mg/l. Í slíkum tilvikum er nauðsynlegt að gera ráð fyrir viðbótarfóðri sem inniheldur selen.
Plöntur taka selen upp sem selenat (SeO42-) eða selenít (SeO32-) jónir. Upptaka á selenat er virkari. Þess vegna er árangursríkara að nota selenat í áburðarblöndur til þess að tryggja upptöku grasa á seleni og þar með auka styrk þess í fóðri. Gripir eiga auðvelt með að nýta sér selen sem er bundið í lífræn efnasambönd. Þess vegna er það skilvirkasta leiðin til að tryggja aðgengi að seleni að gróffóður innihaldi hæfilegt magn selen.
Notkun selenbætts áburðar eykur selenmagn í gróffóðri.
Í tilraun sem var framkvæmd í Kildare á Írlandi var mældur munur á selenmagni í uppskeru annars vegar þar sem notast var við venjulegan NPK áburð (YaraMila Supergrass) og hinsvegar selenbættan áburð (YaraMila Stock Booster). Selenmagn jókst í uppskeru þar sem notast var við YaraMila Stock Booster. Í fyrri slætti mældist aukningin 275% og 450% í seinni slætti.
Í rannsókn sem gerð var á Grass Tec viðburðinum nálægt Elgin í Skotlandi var borið saman selenmagn í uppskeru þar sem var notast við venjulegan NPK áburð (YaraMil Sulphur Cut), selenbættan áburð (YaraMila Stock booster) og venjulegan nitrogen áburð með seleni (YaraBela Nutri Booster). Selenmagn í grasi hækkaði mikið þar sem notaður var YaraMila Stock Booster áburður og YaraBela Nutri Booster áburður, að meðaltali um yfir 500% og 900%.
Í tilraun sem framkvæmd var í Glenbervie í Skotlandi var selenmagn í grasi þar sem notaður var venjulegur NPK áburður (YaraMila Sulphur Cut) borið saman við selenmagn í grasi þar sem notaður var selenbættur áburður (YaraMila Stock Booster). Selenmagn þar sem notaður var selenbættur áburður hækkaði um og yfir 900%.
Með notkun á selenbættum áburði má með skjótum hætti auka styrkleika þess í gróffóðri og þar með tryggja þarfir búfjár fyrir selen.
Skoðaðu úrvalið af Yara áburðartegundum sem innihalda selen hér.
